芷晴怨繼嫲本末倒置：用粗口鬧我表姐

黃日華的84歲父親黃桂最近重病入院，日前轉往樂富的香港佛教醫院留醫，其50歲繼母控訴黃日華從沒探病，昨日黃日華女兒黃芷晴在鰂魚涌出席天梭表活動，她獲邀任首席設計師以「80」為主題設計裙和頭飾，對於爺爺轉院一事，芷晴直言看報紙才知道。
芷晴以劉女士稱呼繼嫲，並替家人作出反擊：「我想同大家講，劉女士一直話我哋冇去探爺爺，但我哋係計劃緊去探爺爺，2月28日我表姐打畀劉女士，諗住方便約個時間見面，點知劉女士用粗口鬧表姐，我唔明點解要通知記者話好想我哋去探佢，到我哋有計劃去探佢就咁嘅態度，我唔識處理。」

「我哋超級無奈」
問到父親黃日華是否好嬲？芷晴沒正面回答，繼續駁斥劉女士說：「佢將所有嘅都本末倒置，其實我哋好想淡化呢件事，但咁樣聯絡記者會影響到爺爺休息。」覺得劉女士這樣做，目的是甚麼？芷晴表示不知道，但認為這事不簡單，這些恩怨不是這幾天的事。
問對方是否為錢？芷晴說：「可能係其中一個原因。」劉女士受訪時曾揚言視錢財如糞土，芷晴嘆謂：「所以我哋超級無奈，家家有本難念的經，我作為後輩參與唔到恩怨，點解成日搵傳媒？我哋都想低調，唔想發大件事。」會否直接探爺爺？她說：「爸爸會安排，我哋想低調處理家事，爸爸好攰，呢幾個月要照顧媽咪又要返內地工作。」昨日她還在instagram留言慨嘆：「救命，還要聽多少個謠言，我們已很累了！」
採訪、攝影：黃曉妍  

[img]http://static.apple.nextmedia.com/images/apple-photos/apple/20140304/large/04ec6p1.jpg[/img]
■黃日華的父親日前已轉院，由現任妻子照顧，芷晴指不知道爺爺轉院。
資料圖片

[img]http://static.apple.nextmedia.com/images/apple-photos/apple/20140304/large/04ec6p2.jpg[/img]
■黃芷晴指爸爸想低調處理家事，他要照顧媽咪又要工作，一家人都很累了。

[img]http://static.apple.nextmedia.com/images/apple-photos/apple/20140304/large/04ec6p3.jpg[/img]
■黃芷晴以梁女士稱呼繼嫲，表示表姐聯絡對方時被粗口對待。


來源:蘋果日報網站